पूर्व गृहमन्त्री माधवप्रसाद घिमिरे चढेको कार त्रिशुली नदीमा खसेको छ । पूर्वगृहमन्त्री माधवप्रसाद घिमिरेसहित सातजना चढेको गाडी आज, ९ असोज दिउँसो ४ बजे पृथ्वीराजमार्गको दाह्रेचोक गाविस–३, घोप्टेभिरबाट त्रिशूली नदीमा खस्दा तीन जनाको मृत्यु भएको छ भने घिमिरेसहित तीनजना बेपत्ता भएका छन् ।

जाजरकोटको जिल्ला कारागारमा क्षमताभन्दा बढी कैदी र थुनुवा हुँदा समस्या भएको छ । कारागारको क्षमता १० जनामात्र भए पनि अहिले ४४ जना कैदी तथा थुनुवा हुँदा निकै सकस भएको छ ।

सोलुखुम्बुको जुभिङमा माउण्टेन एयरको हेलीकोप्टर दुर्घटना भएको छ । जुभीङ ५ बुक्साबाट बिरामी लिएर उड्ने क्रममा जमिन छाडेको केही सेकेण्डमै इञ्जीन बन्द भएपछि क्याप्टेन सुरेश थापाले आकस्मीक रुपमा हेलीकोप्टरलाई सोही हेलीप्याडमा फोर्स ल्याण्डिङ गराएका थिए । हेलीकोप्टरमा सवार ६ जनाको अवस्था सकुशल रहेको छ ।

फुलको बोटमा हाम्रै अघि भंगेरा र भंगेरी माया साटिरहेका थिए । मैले दाईलाई देखाएँ । दाईले पनि उत्तर दिईहाले –“बरु पशुपंक्षीको प्रेम राम्रो ।” कुरा जारीनै थियो ।