ओखलढुंगा २५ भदौ । नेकपा एमाले इलाका नं. ९ इलाका भेला तथा प्रशिक्षण कार्यक्रम सम्पन्न भएको छ । सिस्नेरी गाविसको सिस्नेरी भञ्ज्यांगमा भएको प्रशिक्षण कार्यक्रममा ९ नं इलाकाका बलखु, सिस्नेरी लगायत पाँच गाविस र माधवपुरका एमाले नेता तथा कार्यकर्ताहरुको उपस्थिति रहेको थियो । 
कार्यकर्ताहरुलाई नेकपा एमालेका पोलिटव्यूरो सदस्य वेदुराम भूसाल, जिल्ला कमिटी उपाध्यक्ष नेत्रप्रसाद भट्टराई, सचिव शंकर कट्वाल, प्रचार विभाग प्रमुख तीर्थ सुवेदी लगायतका नेताहरुले एमालेको नीति तथा कार्यक्रम र समसामयिक राजनीतिक विषयमा प्रशिक्षण दिनु भएको थियो । संगठन सुदृढिकरण अभियान अन्र्तगत एमालेले कार्यकर्ता प्रशिक्षणलाई प्रथामिकतामा राखेको जनाएको छ ।
उक्त प्रशिक्षण कार्यक्रममा ६ गाविसका १५० भन्दा बढी एमालेका नेता तथा कार्यकर्ता सहभागी रहेको प्रचार विभाग प्रमुख तीर्थ सुवेदीले जानकारी दिए । एमालेले केन्द्रमा प्रशिक्षण शिविर नै चलाएको छ भने जिल्लामा प्रशिक्षण खटाउने तयारी गरेको छ ।
एमालेको इलाका स्तरीय प्रशिक्षण
0
Shares
