काठमाडौँ,चन्द्रागिरि नगर उद्योग वाणिज्य संघको प्रथम साधारण सभाले उद्यमी राजेन्द्रविक्रम बानियाँको अध्यक्षतामा २५ सदस्यीय नयाँ कार्यसमिति चयन गरेको छ ।
आज यहाँ सम्पन्न सो साधारण सभाको शुभारम्भ गर्दै नेपाल उद्योण वाणिज्य महासंघ प्रदेश नं ३ का अध्यक्ष दिनेश श्रेष्ठले व्यावसायिक हक हितका लागि महासंघले विभिन्न काम गरिरहेको बताए ।
संघका अध्यक्ष बानियाँको सभापतित्वमा सम्पन्न सो कार्यक्रममा महासचिव लुइँटलले आगामी वर्षका नीति तथा कार्यक्रम, कोषाध्यक्ष शाहीले आर्थिक प्रतिवेदन पेश गरेको थियो ।
संघीय संरचनामा उद्योग वाणिज्य महासंघको भूमिका अहम् रहने र चन्द्रगिरि उद्योग वाणिज्य संघलाई नमूना संघ बनाउने जानकारी अध्यक्ष बानियाँले सो अवसरमा बताए ।
