काठमाडौं । नेपाली कथानक चलचित्र धूम ३ को दोस्रो गीत ‘न्यानो लाग्छ, प्यारो लाग्छ’ बोलको म्युजिक भिडियो सार्वजनिक भएको छ । साईराम पिक्चरको युट्युब च्यानलबाट धूम ३ को म्युजिक भिडियो सार्वजनिक गरिएको हो ।
गीतमा नायक जयकिशन बस्नेत र नायिका एलिना रायमाझीले गोसाईकुण्डको रमणीय दृष्य र वातावरणमा रोमान्स गरेका छन् । जयकिशन बस्नेत फिल्मस् प्रा.लि.को व्यानरमा निर्माण भएको नेपाली कथानक चलचित्र धूम ३ को गीतलाई ओम सुनारले संगीत भरेका छन् । भानुभक्त ढकालको शब्दरचना तथा ओम सुनार र कविता श्रेष्ठको आवाज रहेको छ ।
चलचित्र धूम ३ लाई नायक जयकिशन बस्नेतले नै लेखन, निर्माण तथा निर्देशन गरेका छन् । गीतको भिडियो नेपालको धार्मिक एवं पर्यटकीय स्थल गोसाईंकुण्डमा छायांकन गरिएको हो ।
चलचित्र धूम ३ आगामी असोज ५ गतेदेखि देशव्यापी रुपमा प्रदर्शनको तयारी रहेको नायक जयकिशन बस्नेतले बताए ।
भिडियो हेर्न तल क्लिक गर्नुहोस ।
