रेनुका बाहिङको कविता संग्रह ‘ङामो’

Facebook Debugger

काठमाडौं । बाहिङ समुदायका साहित्यकार रेनुका बाहिङ राईको कविता संग्रह ‘ङामो’ प्रकाशित भएको छ । बाहिङ भाषामा लेखिएको कविता संग्रहमा ४० वटा बाहिङ भाषाका कविता संग्रहित गरिएको छ ।
कविता संग्रहको शुरुवात ‘बुक्सोङ् ब’ शीर्षकको कविताबाट गरिएको छ । संग्रहित कविताहरुले बाहिङ समुदायभित्रको चेतना, कथाव्यथा, समस्या र अहिलेको समय अनुसार चल्न सक्ने उर्जाशील कामहरुलाई उत्प्रेरकको रुपमा प्रस्तुत गरेको छ । संग्रहको अन्तिम कविता ‘सोःचो ब ! मोःचो ब ! दाःचो ब !’ भन्दै बाहिङ समुदायलाई सुसूचीत गर्दै अन्त्य गरिएको छ ।

लेखकको पारिवारिक वातावरण साहित्यमय नभए पनि सानोमा रेडियो नेपालबाट प्रशारण भएको साहित्यिक कार्यक्रम सुनेर उनलाई साहित्यिक बाटोतर्फ डो¥र्याएको हो । ‘म विद्यालय पढ्दादेखिनै साहित्यिक किताब, पत्रपत्रिकाहरु पढ्थे’ लेखक बाहिङले भने, ‘विशेषगरी कविता, कथा र उपन्यास खुब पढ्थे, सायद त्यसैको प्रभावले मलाई साहित्यिक क्षेत्रमा पु¥र्यायो ।’
सायरी र कविताबाट अनौपचारिक लेखन क्षेत्रमा लागेका उनले वि.सं. २०६७ सालबाट औपचारिक रुपमा साहित्यिक क्षेत्रमा लागेका हुन् । उनले विभिन्न पत्रपत्रिकामा कविता, निबन्ध लगायत साहित्यिक खुराकहरु पस्केर लाखौं पाठकको मन जितिसकेका छन् । गोरखापत्र दैनिकको बहुभाषिक राई भाषा पृष्ठमा पहिलो पटक बाहिङ भाषाको ‘अ मिम्खादी ग ङा’ निबन्ध प्रकाशन भएको थियो । त्यसयता उनले केहि न केहि साहित्यिक खुराक मातृभाषामा निरन्तर रुपमा लेखिरहेका छन् ।
बाहिङ भाषामा प्रकाशित पहिलो निबन्ध कृति ‘बारीलाप्चो’ वि.सं. २०६९ सालमा प्रकाशित भएको थियो । त्यहि निबन्ध कृतिले वि.सं. २०७१ सालको ‘राष्ट्र मातृभाषा पुरस्कार’ समेत उनलाई दिलायो । यत्ति मात्र होइन ‘गुञ्जन बहुभाषिक स्रष्टा सम्मान २०७३÷७४’ले समेत उनी सम्मानित भएका छन् । साविकको जेरे, मोली ७ (हाल मानेभञ्ज्याङ गाउँपालिका १) मा वि.सं. २०४६ साल वैशाखमा उनको जन्म भएको थियो ।

आदिवासी जनजाति उत्थान राष्ट्रिय प्रतिष्ठान सानेपाको आर्थिक सहयोगमा बाहिङको कविता संग्रह ‘ङामो’ प्रकाशित गरिएको हो । कविता संग्रहको लेआउट तिलक खड्काले गरेका छन्, भने, इगल पिस प्रेस सामाखुशी कपुरधाराले मुद्रण गरेको छ ।

Published On:  408पटक हेरिएको
loading...

तपाईको प्रतिक्रिया

सम्बन्धित समाचार