काठमाडौँ । नेपाल प्रहरीको केन्द्रीय अनुसन्धान ब्यूरोले सिटिजन्स बैंक इन्टरनेशनल लिमिटेडलाई २ करोड २८ लाख ३८ हजार ४ सय १ रुपीयाँ हानि पु¥याउने ६ जनालाई पक्राउ गरी आज सार्वजनिक गरेको छ ।
बैंकको न्यूरोड शाखाका कर्मचारी र सुन ऋणीको मिलेमतोमा धितोबापत राखिएको सुन ऋण चुक्ता नहुँदै फिर्ता दिने तथा अपुग सुनसमेत राखी विभिन्न समयमा ऋण प्रवाह गरी बैंकलाई हानि पु¥याउने ती व्यक्तिलाई पक्राउ गरिएको ब्यूरोले जनाएको छ । पक्राउ पर्नेमा बैंकका कर्मचारीहरु वरिष्ठ सुन जाँचक भक्तपुरका सामिन शाक्य र सहायक सुन जाँचक विन्देश शाक्य, प्राइम कमर्सियल बैंक गोल्ड अडिट विभगाका अमितराज बज्राचार्य, ऋणी मोरङ शनिश्चरेका लभ बराइली र संखुवासभा शनिश्चरे चैनपुरका उमेशराज बराइली छन् ।
पक्राउ परेकालाई उच्च अदालत पाटनबाट आज ७ दिनकोे म्याद थप गरी बैंकिङ कसुर तथा सजाय ऐनबमोजिम अनुसन्धान भइरहेको ब्यूरोले जनाएको छ ।
सिटिजन्स बैंकिङ कसुरका ६ जना अभियुक्त पक्राउ
119
Shares
