सोलुखुम्बु । नेपाली कांग्रेस सोलुखुम्बुले ११ जना महासमिति सदस्य निर्विरोध निर्वाचित गरेको छ । कांग्रेसको जिल्ला निर्वाचन समितिले सार्वजनिक गरेको कार्यतालिका अनुसार ११ जना महासमिति सदस्यहरु निर्विरोध निर्वाचित भएको नेपाली कांग्रेस सोलुखुम्बुका सभापति नाम्गेलजाङबु शेर्पाले बताए ।
निर्विरोध निर्वाचित हुने महासमिति सदस्यहरुमा प्रभुराम बस्नेत, नाम्गेलजाङ्बु शेर्पा, नविन थापा, मनोज खड्का र अशोक कुमार झा प्रत्यक्षबाट निर्वाचित भएका हुन् । त्यसैगरी गान्धीमाया तामाङ र गीता गुरुङ प्रत्यक्ष महिला कोटाबाट निर्वाचित भएका छन् । प्रकाशकुमार बस्नेत खस आर्य, नातिकाजी गुरुङ र पासाङ शेर्पा जनजाती र फूर्किमा शेर्पा जनजाती महिला कोटामा निर्विरोध निर्वाचित भएका हुन् ।
