पोखरा, ११ मङ्सिर । राष्ट्रिय निजी तथा आवासीय विद्यालय एसोसिएसन नेपाल (नेसनल प्याब्सन) कास्कीले यही मङ्सिर १४ देखि १७ गतेसम्म पोखरा रङ्गशालामा एघारौँ नेसनल प्याब्सन खेलकुद महोत्सव गर्ने भएको छ ।
महोत्सवमा जिल्लाका ४५ विद्यालयका सात हजारभन्दा बढी विद्यार्थीको सहभागिता रहने संस्थाद्वारा शुक्रबार यहाँ आयोजित पत्रकार सम्मेलनमा प्याब्सन कास्कीका अध्यक्ष रामबहादुर मोचीले जानकारी दिनुभयो ।
महोत्सव अन्तर्गत भलिबल, फुटबल, बास्केटबल, ह्यान्डबल र टेबलटेनिस खेल समावेश गरिएको छ । महोत्सव सम्पन्न गर्न मूल समिति र विभिन्न उपसमिति गठन गरिएको छ ।
