कपिलवस्तु, १८ भदौ । वैदेशिक रोजगारीका लागि तुर्किस्तान पठाइदिने भन्दै कृष्णनगर नाका भएर भारत लगिँदै गरेका चार युवतीको उद्धार गरिएको छ भने दुई विचौलिया पक्राउ परेका छन् ।
चेलीबेटी बेचबिखनविरुद्ध कार्यरत संस्था शान्ति पुनःस्थापनगृहले सुरक्षाकर्मीको सहयोगमा चारै जनाको उद्धार गरेको हो । उनीहरुलाई भारतहुँदै तुर्किस्तान लगिँदै थियो ।
पक्राउ पर्नेमा पर्वत कुस्मा घर भई हाल काठमाडौँ डेरामा बस्दै आएका धनबहादुर गुरुङ र बझाङ घर भई हाल वीरेन्द्रनगर नगरपालिकामा बस्दै आएका भीमप्रसाद सुनार रहेका पुनःस्थापनगृहका भूमि भटराईले बताउनुभयो । उद्धार गरिएका युवतीहरु गोरखा र रुपन्देहीका हुन् । रासस
