नेपाल बैंकलाई थप एफ.पि.ओ निष्कासनका लागि स्वीकृति

Facebook Debugger

काठमाडौँ, सरकारी स्वामित्वको वाणिज्य बैंक, नेपाल बैंक लिमिटेडलाई थप सार्वजनिक निष्कासन९एफपिओ० का लागि स्वीकृति दिइएको छ ।नेपाल धितोपत्र बोर्डले प्रतिकित्ता रु २८० मा एफपिओ निष्कासनका लागि स्वीकृति दिइएको हो । रु एक सय आधार मूल्यको शेयरमा रु १८० प्रिमियम थप गरी सार्वजनिक निष्कासनका लागि यही असार १ गते स्वीकृति दिइएको बोर्डका प्रवक्ता निरज गिरिले जानकारी दिए ।

बैंकले रु चार अर्ब ९५ करोड १७ लाख ६० हजार २४० बराबरको एक करोड ७६ लाख ८४ हजार ८५८ कित्ता शेयर बिक्री गर्नेछ । बैंकको शेयर बिक्री प्रबन्धकमा सिद्धार्थ क्यापिटल लिमिटेड रहेको छ । एनएमबी बैंक लिमिटेडको एफपिओ बिक्री भइरहेको बेला बोर्डले पुनः नेपाल बैंकलाई समेत एफपिओ बिक्रीको स्वीकृति दिएको हो ।

नेपाल राष्ट्र बैंकले यसै असार मसान्तसम्म चुक्ता पूँजी रु आठ अर्ब पु¥याउन दिएको निर्देशनअनुसार नेपाल बैंकले थप निष्कासन गर्न लागेको हो । बजारमा सो बैंकको शेयर मूल्य प्रतिकित्ता रु ३१० रहेको छ ।

दोहोरो अंकले घट्यो बजार

धितोपत्र बजार भने दोहोरो अंकले घटेको छ । नेपाल स्टक एक्सचेन्जकाअनुसार नेप्से परिसूचक १४।०७ अंकले घटेर एक हजार २३३।२३ बिन्दुमा झरेको छ । यस्तै ‘क’ वर्गका कम्पनीको शेयर मापन गर्ने सेन्सेटिभ परिसूचक समेत ३।१ बिन्दुले घटेर २५८।७१ बिन्दुमा पुगेको छ ।

स्टककाअनुसार आज कूल १५८ कम्पनीको ६ लाख ६४ हजार ५२१ कित्ता शेयर रु २४ करोड ५० लाख ५३ हजार ७७० मूल्यमा खरिद बिक्री भएको छ ।

आज होटल उपसमूहको मात्रै शेयर बढेको छ । सो उपसमूहको शेयर २८।९५ बिन्दुले बढेको हो । यस्तै बैंकिङ १२।५१, विकास बैंक १२।९९, जलविद्युत् २७।०५, वित्त ६।५२, बीमा ७२।४, उत्पादन ७।२३, अन्य ९।१३ र माइक्रोफाइनान्स उपसमूहको शेयर २०।७६ बिन्दुले ओरालो लागेको छ ।

loading...

तपाईको प्रतिक्रिया

सम्बन्धित समाचार