नेकपा विवादको असर : मुख्यमन्त्री राईले आर्थिक मामिलामन्त्री आङ्बोलाई हटाए

विराटनगर । प्रदेश १ का मुख्यमन्त्री शेरधन राइले आर्थिक मामिला तथा योजनामन्त्री इन्द्र आङ्बोलाई हटाएका छन् । मुख्यमन्त्रीका प्रेस सल्लाहकार धु्रव सुवेदीले आङ्बोलाई शनिबार पदमुक्त गरिएको जानकारी दिए ।

पूर्वमाओवादी नेता आङ्बो अहिले प्रचण्ड–नेपाल समूहमा छन् ।

मन्त्री आङ्बोले राईविरुद्ध अविश्वासको प्रस्तावका लागि हस्ताक्षर अभियान चलाएको स्रोतले जनाएको छ । मुख्यमन्त्री राई प्रधानमन्त्री ओली निकट मानिन्छन । ९३ सदस्यीय प्रदेश सभा एकमा नेकपाका ६७ सांसद छन् ।

त्यसमध्ये प्रचण्ड नेपाल समुहका ४७ जना छन् भने ओली पक्षका २० जना मात्रै रहेका छन् । यो प्रदेशमा प्रचण्ड नेपाल समुह मिल्दा मुख्यमन्त्री राई नेतृत्वको सरकारविरुद्ध अविवास प्रस्ताव आए उनी सहजै हट्न सक्छन् ।

तपाईको प्रतिक्रिया

सम्बन्धित समाचार