दुधकोशी अस्पताल निर्माणका लागि मैदेल समाजले दियो १५ लाख

Facebook Debugger

काठमाडौं । सोलुखुम्बु जिल्लाको सबैभन्दा ठूलो गाउँपालिका थुलुङ दुधकोशी गाउँपालिकामा निर्माणाधिन अवस्थामा रहेको दुधकोशी सामुदायिक अस्पताललाई मैदेल सेरोफेरो समाज काठमाडौंले १५ लाख रकम प्रदान गरेको छ ।


गत वर्ष गाउँपालिकास्थित मुक्लीमा सञ्चालित महायज्ञमा समाजले गरेको प्रतिबद्धता अनुसार पहिलो किस्ता बापतको १५ लाख रकम गाउँपालिका अध्यक्ष असिम राईलाई हस्तान्तरण गरिएको हो । पहिलो किस्ता बापतको रकम समाजका अध्यक्ष गणेषबहादुर गुरुङ र महासचिव गोविन्द गुरुङले संयुक्त रुपमा अध्यक्ष राईलाई हस्तान्तरण गरेका हुन् ।
थुलुङ दुधकोशी गाउँपालिकाको केन्द्र मुक्लिमा सुविधा सम्पन्न ५० शैय्याको अस्पताल निर्माणको काम तिव्र रुपमा अगाडि बढिरहेको अध्यक्ष राईले बताए । ‘हजारौं मनका धनी महानुभावहरुले अस्पताल निर्माणका लागि आर्थिक सहयोग गरिरहनु भएको छ,’ अध्यक्ष राईले भने, ‘महायज्ञमा प्रतिवद्धता गरे अनुसारको रकम हामीलाई क्रमशः प्राप्त भैरहेको छ ।’

loading...

तपाईको प्रतिक्रिया

सम्बन्धित समाचार