आ.व २०७७/०७८,भेरी नगरपालिकाको बजेट ६८ करोड ५ लाख ५८ हजार ८ सय

Facebook Debugger

जाजरकोट । जाजरकोटको भेरी नगरपालिकाले कोभिड(१९ का कारण सिर्जित प्रतिकूल परिस्थितिलाई सम्बोधनसहित ६८ करोड ५ लाख ५८ हजार ८ सयको बजेट विनियोजन गरेको छ ।

बिहिबार उपप्रमुख भावना भण्डारीले नीति तथा कार्यक्रमका साथमा ६८ करोड ५ लाख ५८ हजार ८ सय रुपैयाँको योजना आगामी आर्थिक वर्ष २०७७र०७८ का लागि प्रस्तुत गरेकी हुन्।

फोटोःराजेन्द« पुन

सो नगरसभामा उप–प्रमुख भण्डारीले प्रस्तुत गरेको बजेट वक्तब्यमा प्रशासनिक तथा चालु खर्च तर्फ रु १० करोड २३ लाख ६२ हजार ८ सय तथा पूँजीगत खर्चतर्फ रु १३ करोड ९५ लाख ९६ हजार, सर्शत अनुदान तर्फ ३३ करोड ७३ लाख र सामाजिक सुरक्षा भत्ता १० करोड १३ लाख बजेट नीति तथा कार्यक्रममा उल्लेख छ ।

भेरी नगरपालिका,नगरप्रमुख चन्द्र प्रकाश घर्तीको अध्यक्षतामा भएको नगरसभामा भण्डारीले स्वास्थ्य, शिक्षा र कृषी क्षेत्रलाई उच्च प्राथमिकता दिँदै नीति तथा कार्यक्रम सार्वजनिक गरेकी हुन् ।

उनले सामाजिक विकासमा अन्य क्षेत्र जस्तै युवा, खेलकुद, लैङ्गिक समानता तथा सामाजिक समावेशी, मजदुरका विषयमा बजेट सहितको कार्यक्रम रहने नीति प्रस्तुत गरेकी छन् ।

सो प्रस्तुत नीति तथा कार्यक्रममा भौतिक पूर्वाधारका योजनालाई पनि प्राथमिकता दिइएको छ । वन वातावरण र विपद व्यवस्थापन तथा सुशासन र संस्थागत विकासलाई नीति तथा कार्यक्रममा उच्च प्राथमिकता दिइएको छ ।
स्रोतः भिजनखबर

Published On:
loading...

तपाईको प्रतिक्रिया

सम्बन्धित समाचार