सोलुखुम्बु । जिल्लाको माप्यदुधकोशी गाउँपालिका अध्यक्षमा नेकपा एमालेका उम्मेदवार बुद्धिकिरण राई निर्वाचित भएका छन् । उनले काँग्रेस–माओबादी गठबन्धनका साझा उम्मेदवारलाई पछि पार्दै विजय हासिल गरेका हुन् ।
निकटतम प्रतिस्पर्धी चन्द्र खालिङलाई पछि पार्दै बुद्धिकिरण दोश्रो कार्यकालको लागि निर्वाचित भएका हुन् । उपाध्यक्षमा भने गठबन्धनका तर्फबाट माओबादी केन्द्रका उम्मेदवार गौरव खालिङ निर्वाचित भएका छन् । एमाले उम्मेदवार जुनिता मगरलाई पराजित गर्दै गौरव उपाध्यक्षमा विजयी भएका हुन् ।
७ वटा वडा रहेको माप्यदुधकोशीमा वडा नम्बर १ र ४ माओबादी केन्द्र, २, ३ र ७ एमाले अनि वडा नम्बर ५ र ६ मा काँग्रेसका वडा अध्यक्ष निर्वाचित भएका छन् ।
