मरिण गाउँपालिकाको अध्यक्षमा माओवादीका मोक्तान निर्वाचित

काठमाडौं । सिन्धुलीको मरिण गाउँपालिकाको अध्यक्षमा नेकपा माओवादी केन्द्रका बिर्मस मोक्तान निर्वाचित भएका छन् ।

नेपाली कांग्रेस–माओवादीको गठबन्धनबाट उम्मेदवार बनेका उनले ५ हजार १९४ मत ल्याए । उनका निकटतम प्रतिस्पर्धी नेकपा एमालेका गोविन्द लामाले ४ हजार ७६० मत प्राप्त गरे ।

गठबन्धनबाट उपाध्यक्षमा कांग्रेसकी विमला माझीले ५ हजार २८१ प्राप्त गरी निर्वाचित भइन् ।

२०७४ को चुनावमा माओवादी केन्द्रले अध्यक्ष र उपाध्यक्ष दुवै जितेको थियो।

 

तपाईको प्रतिक्रिया

सम्बन्धित समाचार