बुधबार थपिए २५५ कोरोना संक्रमित, कुन जिल्लामा कति संक्रमित (हेर्नुहोस जिल्लागत विवरणसहित)

Facebook Debugger

काठमाडौं । नेपालमा बुधबार थप २ सय ५५ जनामा कोरोना भाइरसको संक्रमण पुष्टि भएको छ । यो सँगै कोरोना संक्रमितको संख्या १६ हजार ४ सय २३ पुगेको छ ।

स्वास्थ्य तथा जनसंख्या मन्त्रालयका प्रवक्ता डा. जागेश्वर गौतमले बुधबार नियमित लाइभ अपडेटमा उक्त जानकारी दिएका हुन् । मन्त्रालयका अनुसार ४ हजार ६ सय ९६ जनाको कोरोना परीक्षण गरिएकोमा २ सय ५५ जनामा संक्रमण पुष्टि भएको हो ।

कुन जिल्लामा कहाँ कति थपिए ?

डा. गौतमका अनुसार बीपी कोइरालाा स्वास्थ्य विज्ञान प्रतिष्ठान धरानमा गरिएको परीक्षणमा झापाका ५ जना, तेह्रथुमका एकजना, कोशी अञ्चल अस्पताल विराटनगर प्रयोगशालामा झापाका एकजना, सुनसरी २ र इलामका २ जनामा कोरोना पुष्टि भएको छ ।

यसैगरी प्रादेशिक जनस्वास्थ्य प्रयोगशाला विराटनगरमा झापाका एकजना र मोरङका ३ जना, गजेन्द्र नारायणसिंह अस्पताल राजविराजमा सिराहाका २ जना र सप्तरीका ४ जना, नारायणी अस्पताल वीरगंजमा बाराका एकजना संक्रमति भएका छन् ।

यस्तै राष्ट्रिय जनस्वास्थ्य प्रयोगशाला काठमाडौंमा गरिएको परीक्षणमा अछामका १७ जना,बैतडीका २ जना, बझाङका ४ जना, दार्चुलाका एकजना, डोटीका ८ जना, गोरखाका २ जना, कैलालीका १९ जना, कंचनपुरका ७ जना, काठमाडौंका ६ जना र सर्लाहीका २ जनामा कोरोना संक्रमण पुष्टि भएको छ ।

यस्तै भरतपुर अस्पतालको प्रयोगशालामा गरिएको परीक्षणमा चितवनका ५ जना, कीटजन्य रोग अनुसन्धान तथा तालिम केन्द्र हेटौंडामा गरिएको परीक्षणमा नवलपरासीपूर्वका २ जना र रौतहटका ३२ जना संक्रमित भएका छन् ।

यस्तै पाटन अस्पताल ललितपुरमा गरिएको परीक्षणमा दाङका एकजना, धादिङका एकजना, दोलखाका एकजना, झापाका एकजना, कास्कीका एकजना, काठमाडौंका १० जना, काभ्रेका एकजना, ललितपुरका ७ जना, लमजुङका एकजना, नवलपरासीपुर्वका एकजना, पर्साका एकजना, रामेछापका २ जना, रौतहटका एकजना, सर्लाहीका एकजना, सिन्धुपाल्चोकका एकजना र सुनसरीका एकजनामा कोरोना संक्रमण पुष्टि भएको छ ।

यसैगरी त्रिवि शिक्षण अस्पताल महाराजगंजमा गरिएको परीक्षणमा काभ्रेका एकजना र मोरङका एकजना संक्रमति भएका छन् । प्रादेशिक जनस्वास्थ्य प्रयोगशाला पोखरामा गरिएका परीक्षणमा म्याग्दीका एकजना, पोखरा स्वास्थ्य विज्ञान प्रतिष्ठानमा गरिएको परीक्षणमा कास्कीका १३ जनामा कोरोना संक्रमण पुष्टि भएको छ ।

यस्तै प्रादेशिक जनस्वास्थ्य प्रयोगशाला रुपन्देहीमा गरिएको परीक्षणमा गुल्मीका ३ जना, पाल्पाका ५ जना र प्युठानका एकजनामा कोरोना संक्रमण पुष्टि भएको छ ।

यस्तै भेरी अस्पताल नेपालगंजमा गरिएको परीक्षणमा बाँकेका २ जना, दाङका ४ जना, कालिकोटका एकजना र रुकुम पश्चिका ३ जनामा कोरोना संक्रमण पुष्टि भएको छ ।

यस्तै दैलेखको प्रयोगशालामा सुर्खेतका एकजना, चौरजहारी नगरपालिकामा रहेको प्रयोगशालामा रुकुम पश्चिमका ४ जन र जाजगरकोटका एकजना, सुर्खेत प्रादेशिक अस्पतालको प्रयोगशालामा गरिएको परीक्षणमा दैलेखका २ जना मुगुका २ जना र सुर्खेतका १३ जना संक्रमित भएका छन् ।

त्यसैगरी कर्णाली स्वास्थ्य विज्ञान प्रतिष्ठामा गरिएको परीक्षणमा दैलेखका ३ जना, डडेल्धुरा अस्पताल प्रयोगशालामा डडेल्धुराका २ जना, सेती प्रादेशिक अस्पताल धनगढीमा गरिएको परीक्षणमा अछामका ५ जना डोटीका ४ जना कञ्चनपुरका ५ जना र कैलालीका १७ जना संक्रमित भएका छन् ।

२४ घण्टामा २५३ जना डिस्चार्ज

डा. गौतमका अनुसार पछिल्लो २४ घण्टामा थप २ सय ५३ जना कोरोना संक्रमणमुक्त भएका छन् । योसँगै नेपालमा कोरोना संक्रमण भएर निको हुनेको संख्या हालसम्म ७ हजार ७ सय ५२ पुगेको छ ।

उनीहरू देशका विभिन्न स्थानका अस्पतालबाट संक्रमणमुक्त भएको स्वास्थ्य तथा जनसंख्या मन्त्रालयले जानकारी दिएको हो ।

मन्त्रालयका अनुसार कोरोना फैलिएका ७७ जिल्लामध्ये ५ जिल्ला कोरोना फ्रि भएका छन् ।

Published On:
loading...

तपाईको प्रतिक्रिया

सम्बन्धित समाचार