विश्वमा कोरोना संक्रमित संख्या २ करोड नाघ्यो !

Facebook Debugger

काठमाडौं । विश्वमा कोरोना भाइरस संक्रमितको संख्या २ करोड नाघेको छ । वल्डोमिटर्सको बुधबार बिहानको तथ्यांकअनुसार अहिलेसम्म विश्वमा कोरोना संक्रमितको संख्या २ करोड ५ लाख २ हजार १ सय २६ पुगेको छ ।

कोरोना भाइरस संक्रमणबाट ७ लाख ४४ हजार ५ सय १६ जनाले ज्यान गुमाएका छन् । संक्रमितमध्ये ६३ लाख ३३ हजार ४ सय ३१ जनामा सक्रिय संक्रमण छ । उनीहरुमध्ये ६४ हजार ४ सय ३१ जनाको अवस्था गम्भीर छ ।

संक्रमित १ करोड ३४ लाख २४ हजार १ सय ७९ जनाले कोरोनालाई जितेका छन् । चीनको वुहानबाट सुरु भएको कोरोनाको संक्रमण अहिले विश्वका २ सय १६ देशमा फैलिएको छ । कोरोनाको संक्रमण सबैभन्दा धेरै अमेरिकामा फैलिएको छ ।

अमेरिकामा संक्रमित संख्या ५३ लाख ४ हजार ३ सय ६२ पुगेको छ । बितेको २४ घण्टामा ५२ हजार ९ सय २४ संक्रमित थपिएका छन् ।

त्यस्तै २४ घण्टाको अवधिकमा संक्रमित १ हजार ३ सय ९५ जनाले ज्यान गुमाएका छन् । अहिलेसम्म अमेरिकामा कोरोनाबाट ज्यान गुमाउनेको संख्या १ लाख ६७ हजार ५ सय ८७ पुगेको छ ।

अझै २३ लाख ८१ हजार ६ सय ८८ जनामा सक्रिय संक्रमण रहेको छ भने उनीहरुमध्ये १७ हजार ३ सय ९९ को अवस्था गम्मीर छ । संक्रमित २७ लाख ५५ हजार ८७ जनाले कोरोना जितेका छन् ।

संक्रमण दरले अमेरिकापछि दोस्रो स्थानमा ब्राजिल छ । ब्राजिलमा कोरोना संक्रमितको संख्या ३१ लाख १२ हजार ३ सय ९३ पुगेको छ । २४ घण्टामा ५४ लाख ९ सय २३ संक्रमित थपिएका छन् । त्यस्तै बितेको २४ घण्टामा ब्राजिलमा १ हजार २ सय ४२ जनाले ज्यान गुमाएका छन् । योसँगै ज्यान गुमाउनेको संख्या १ लाख ३ हजार ९९ पुगेको छ ।

संक्रमित २२ लाख ४३ हजार १ सय २४ जना कोरोनालाई जितेर घर फर्किएका छन् । ७ लाख ७७ हजार १ सय ७० जनामा सक्रिय संक्रमण छ । जसमध्ये ८ हजार ३ सय १८ जनाको अवस्था गम्भीर छ ।

हालसम्म कोरोनाको कुनै पनि औषधि तथा खोप पत्ता लागिसकेको छैन । यद्यपि विश्वका थुप्रै देशमा कोरोना संक्रमण निको पार्ने खोप विकासको प्रयास भइरहेका छन् । कितपय देशमा खोपको क्लिनिकल परीक्षण पनि भइरहेको छ ।

loading...

तपाईको प्रतिक्रिया

सम्बन्धित समाचार