कलाकारहरुको भाइटीका यस्तो रह्यो [फोटोफिचर]

Facebook Debugger

काठमाडौं । यसवर्षको दिपावलीमा पहिलेका वर्षमा जस्तो उल्लास छैन । कोरोना भाइरसले निम्त्याएको महामारीले नेपाललाई प्रभाव नपाने कुरै भएन ।कोरोना भाइरसका कारण आम मान्छेको दैनिकीमा परिवर्तन आएको छ । मान्छेहरु सार्वजनिक रुपमा कम भेला भइरहेका छन् । चाडबाडमा पनि सीमित आफन्त र परिवार मात्र भेट भइरहेका छन् ।

दिपावलीमा यसवर्ष पहिलेका वर्षमा जस्तो रौनक छैन । यसवर्ष कोरोना महामारी फैलन सक्ने भन्दै सरकारले नै सार्वजनिक रुपमा भेला नहुन आह्वान गर्दै आएको छ ।

कोरोना प्रभावले कलाकारले परिवार मात्र भेला भएर भाइटीका मनाएका छन् ।

कोरोना महामारीका कारण कतै पनि देउसी खेलिएका छैनन् ।

लक्ष्मी पूजामा पूजा गर्दा देउसी नसुन्दा खल्लो लागेको बताउँदै कलाकार तथा निर्माता दीपकराज गिरी भन्छन् – पोहोर पूजा गर्दै गर्दा भैलिनी आइन् आँगन भन्दै गाउँथे, छुट्टै रमाइलो हुन्थ्यो, यसपटक पूजा त भयो, तर आँगन शून्य भयो ।’

उनी आशा गर्छन्, अर्को वर्ष घरको आँगनमा पुरानो रौनकता फर्कनेछ ।

हुन पनि यसपटक कतै पनि देउसीका स्वरहरु सुनिएका छैनन् । कतिपय कलाकार त आफै पनि जम्मा भएर तिहारमा देउसी खेल्ने गर्थे । र, यसपटक माहोल पूरै फेरिएको छ । घरमै परिवारका साथ रहेर तिहार मनाउनुपरेको छ ।

अझ कति कलाकारलाई त यसपटक कोरोना महामारीसँग जुध्नु परेको छ । हास्यकलाकार मनोज गजुरेल आजै (आइतवार) अस्पतालबाट डिस्चार्ज भएका छन् । मनोज गजुरेल तिहारको शुभकामना दिँदै भन्छन्–एघार दिनको अस्पताल बसाइपश्चात घर फर्किएर आराम गरिरहेको छु ।

कोरोना संक्रमणबाट यसअघि कलाकार हरिवंश आचार्य, विजय लामा, ऋचा शर्मा लगायत निको भइसकेका छन् ।
नायिका रेखा थापा तिहारमा बालिने दीपलाई चेतनाका प्रतीकका रुपमा ब्याख्या गर्छिन् ।

उनी तिहारलाई उज्यालोको पर्व भन्न रुचाउँछिन् ।

‘चेनाको प्रतीक दीप हुन्छ, शान्तिको प्रतीका दीप हुन्छ, खुशी र उल्लासको प्रतीक दीप हुन्छ, समृद्धि र सौभाग्यको प्रतीक दीप हुन्छ,’ रेखा भन्छिन्, ‘त्यसैले सबै परम्परामा दीप कहिल्यै निभ्दैन, अनिश्चितता र अन्यौलताबीच पनि हामी उज्यालोतर्फ जान सकौं र आफूले सक्ने प्रकाश फैलाउन सकौं ।’

loading...

तपाईको प्रतिक्रिया

सम्बन्धित समाचार