काठमाडौं । गायक, संगीतकार पविधन खालिङको ‘खालिङ’ भाषाको देउसी भैलो गीत सार्वजनिक भएको छ ।
नेपालीहरुको महान पर्व दिपावलीको अवसर पारेर ‘खालिङ’ भाषाको देउसी भैलो गीत सार्वजनिक गरेका हुन् । देउसी गीतमा खालिङ जातिको पूर्खा माप्य र दिक्प्यको सन्तानहरुको बारेमा पनि वर्णन गरिएको छ ।
नेपाली सांगीतिक क्षेत्रमा सुपरिचित नाम पविधन खालिङ पछिल्लो समय अमेरिकामा बस्दै आएका छन् । गायक खालिङ देश बाहिर रहेता पनि समय समयमा उनले नेपाली गीत दर्शक श्रोतामाझ पस्किरहेका छन् ।
खालिङ भाषाको देउसी गीत एकप्रसाद खालिङले लेखेका हुन् । पविधन खालिङ, प्रियंका खालिङ र प्रतिक खालिङले आवाज दिएका छन्, भने कोअर्डिनेटर पूर्ण राई रहेका छन् ।
देउसी गीत सुन्न तलको लिङमा क्लिक गर्नुहोस ।