धनगढी, १६ फागुन । यस क्षेत्रका साहित्यकार मनिराज जोशीको परिवारले रु १० लाख राशिको ‘मनिराज वाङ्मय अक्षय कोष’ स्थापना गरी साहित्यिक पुरस्कारको घोषणा गर्नु भएको छ ।
यहाँ आइतबार आयोजित साहित्यिक कार्यक्रममा साहित्यकार जोशी र उहाँका छोराहरू गोविन्दराज जोशी, वासुदेव जोशी तथा बुहारी तारा रोश्यारा जोशीले संयुक्तरुपमा रु १० लाखको अक्षयकोष खडा गरी ‘मनिराज वाङ्मय अक्षय कोष’ खडा गरी पुरस्कार स्थापना गरिएको जानकारी दिनुभयो ।
नेपाली साहित्य तथा संस्कृति प्रतिष्ठान गोदावरी (कैलाली)ले आयोजना गरेको साहित्यिक समारोहमा सो पुरस्कारको घोषणा गरिएको हो ।
कार्यक्रममा पुरस्कार सञ्चालनको जिम्मा पाएको नेपाली साहित्यिक तथा संस्कृति प्रतिष्ठान गोदावरीका अध्यक्ष पदमराज जोशीलाई अक्षयकोष खडा गर्ने जोशी परिवारका सदस्यले कोषमा जम्मा गर्न रु १० लाखको चेकसमेत हस्तान्तरण गर्नुभएको थियो । साहित्यिकार मनिराज जोशी आधा दर्जन महाकाव्य र दुई दर्जन जति कृतिका रचनाकार हुनु्हुन्छ ।
कला साहित्यको क्षेत्रमा महत्वपूर्ण योगदान पु¥याउने व्यक्तित्वलाई बर्सेनि सम्मान गर्ने लक्ष्यसहित यो पुरस्कार स्थापना गरिएको प्रतिष्ठानका अध्यक्ष पदमराज जोशीले बताउनुभयो ।
कार्यक्रममा प्रतिष्ठानले सुदूरपश्चिम क्षेत्रमा शान्ति सुरक्षामा महत्वपूर्ण योगदान गरेको भन्दै नेपाल प्रहरीका नायब महानिरीक्षक विजयराज भट्ट र सशस्त्र प्रहरीका नायब महानिरीक्षक राजेश श्रेष्ठलाई सम्मान गरेको छ ।
