गोली र विस्फोटक पदार्थ बरामद

धनगढी, २९ भदौ । धनगढी उपमहानगरपालिको छुटाछुट्टै स्थानवाट प्रहरीले आज विस्फोटक पदार्थ सहित पेस्तोलमा प्रयोग हुने गोली बरामद गरेको छ ।

उपमहानगरपालिकाको त्रिवेणीघाटस्थित मोहना नदी पारगरी भित्र्याउँदै गरिएको अवस्थामा साढे पाँच किलो गन्धक र साढे नौ किलो सोडा बरामद गरिएको जिल्ला प्रहरी कार्यालय कैलालीले जनाएको छ ।

यी समान भित्र्याउन लागेको व्यक्तिले प्रहरीलाई देख्नासाथ सिमावर्ती भारततर्फ फरार भएको प्रहरीको भनाइ छ ।

यसैगरी धनगढीकै बैयावेहँडी सीमा नाकाबाट भित्र्याउन लागेको अवस्थामा प्रहरीले पेस्तोलमा प्रयोग हुने १८ थान गोली ‘क्यालिभर राउण्ड‘ बरामद गरिएको छ । चिनीको झोलाभित्र कपडामा बेरिएर राखिएको अवस्थामा सो परिमाणको गोली बरामद भएको प्रहरीले जनाएको छ ।

सादा पोसाकमा खटिएका प्रहरीले चेकजाँचका लागि रोक्न खोज्दा अन्दाजी १७÷१८ वर्षका व्यक्तिले झोला फ्याकेर फरार भएको र शंका लागेर उक्त झोला चेकगर्दा त्यसवाट उक्त परिमाणको गोली बरामद भएको प्रहरीले जनाएको छ । घटनाबारे अनुसन्धान भइरहेको छ ।

भदौ २१ गते विस्फोटक पदार्थ र भदौ २६ गते गोलीे बरामद गरिएकोमा तत्काल सूचना प्रवाह गर्दा घटनाको अनुसन्धान कार्य प्रभावित हुने भन्दै जिल्ला प्रहरी कार्यालयले आज मात्र घटनाबारे जानकारी दिएको हो ।

प्रहरीले मङगलबार साँझ मोहना नदीमा दाउरा खोज्ने क्रममा बेपत्ता भएका धनगढी उपमहानगरपालिका— १८ का २५ वर्षीय शेरबहादुर चौधरीको खोजी भइरहेको जनाएको छ ।

जिल्लाको पहाडी क्षेत्रको सहजपुर गाविसको देउराली गाउँमा जुवातास खेलीरहेको अवस्थामा १२ जनालाई खालमा रहेको एक लाख २४ हजार ८८५ सहित प्रहरीले आफ्नो नियन्त्रणमा लिएको छ ।

तपाईको प्रतिक्रिया

सम्बन्धित समाचार