बैतडी, १७ असोज । बैतडीको गिरेगाडामा एक वृद्घ मृत फेला परेका छन् ।
मृत भेटिनेमा गिरेगाडा–५ जबलकट्टेका ६५ वर्षीय जयबहादुर चन्द रहेका जिल्ला प्रहरी कार्यालय बैतडीका प्रहरी नायब उपरीक्षक बालनरसिंह राणाले जानकारी दिनुभयो ।
चन्दलाई स्थानीयले आइतबार घर नजिकै मृत देखेपछि प्रहरीलाई खबर गरेका थिए । वृद्घको के कति कारणले मृत्यु भयो भनेर खुल्न नसकेको प्रहरीले बताएको छ ।
प्रहरीको एक टोली घटनास्थलतर्फ गएको र प्रहरी टोली घटनास्थल पुगेपछि मात्रै थप जानकारी आउने जिल्ला प्रहरी कार्यालय बैतडीले जनाएको छ । घटनास्थल सदरमुकामबाट एक दिनको पैदल दूरीमा पर्दछ । रासस
