भक्तपुरमा पनि गुठी विधेयकविरुद्ध आन्दोलन ! (फोटोफिचर)

भक्तपुर । सरकारले ल्याएको गुठी विधेयकको विरोधमा भक्तपुरमा पनि आन्दोलन शुरु भएको छ ।

काठमाडौंबाट शुरु भएको आन्दोलन ललितपुरहुँदै भक्तपुरसम्म पुगेको हो । आइतबार थिमीमा प्रदर्शन भएको छ । प्रदर्शनकारीले थिमीमा मसाल बालेर गुठी विधेयकको विरोध गरेका थिए ।
सयौंको संख्यामा आएका प्रदर्शनकारीले सिठ्ठि बजाउँदै सरकार विरुद्ध चर्को नाराबाजी गर्दै शहर घुमेका थिए । विभिन्न प्लेकार्डका साथ आएका प्रदर्शनकारीले साँझमा मसाल बालेर विरोधको नारा लगाउँदै शहर परिक्रमा गरेका थिए ।