सोलुखुम्बु । जिल्लाको नेचासल्यान गाउँपालिकामा ट्राभल हिस्ट्री नभएका १० जनामा कोरोना संक्रमण पुष्टि भएको छ ।
मंगलबार २५ जनाको एन्टिजेन परीक्षण गर्दा ५ महिला र ५ पुरुषको रिर्पोट पोजेटिभ आएको गाउँपालिका स्वास्थ्य शाखा संयोजक युबराज शर्माले जानकारी दिए ।
संक्रमण पुष्टि हुनेहरुको कसैको पनि ट्राभल हिस्ट्री नभएको स्वास्थ्य शाखा संयोजक शर्माले बताए । संक्रमित सबैको स्वास्थ्य अवस्था सामान्य रहेको छ ।
यो सँगै नेचासल्यान गाउँपालिकामा कोरोना संक्रमितको संख्या २३ पुगेको छ ।
