उदयपुर । अविरल वर्षाका कारण खसेको पहिरो पन्छाएपछि सिद्धिचरण राजमार्गको कटारी–घुर्मी सडकखण्डमा यातायात सेवा सञ्चालनमा आएको हो ।
गत शुक्रबार साँझ पहिरो खसेपछि सो सडकमा यातायात सञ्चालनमा रोक लगाइएको थियो ।
इलाका प्रहरी कार्यालय कटारीका अनुसार सडक विभाग, प्रहरी र स्थानीयवासीको सक्रियतामा पहिरो पन्छाइएर सो सडकखण्ड सञ्चालनमा ल्याएको हो ।
सोमबारदेखि सिरहाको मिर्चैया हुँदै कटारी घुर्मी भएर ओखलढुङ्गा खोटाङ यातायात आवतजावत सञ्चालन भएकोे इलाका प्रहरी कार्यालय कटारीका प्रमुख कमल बजगाईंले जानकारी दिए । उनले रात्रिकालीन समयमा भने सो मार्गमा सवारी सञ्चालन गर्न रोक लगाएको उनले जानकारी दिए ।
