सोलुखुम्बु । हिमाली जिल्ला सोलुखुम्बुमा एकै दिन ५१ जनामा कोरोना भाईरस संक्रमण पुष्टि भएको छ ।
मंगलबार जिल्लाको विभिन्नमा स्थानमा गरिएको पिसिआर र एन्टिजेन परीक्षणमा थप ५१ जनामा संक्रमण पुष्टि भएको स्वास्थ्य कार्यालय सोलुखुम्बुका कोभिड फोकल पर्सन रामकुमार बिश्वकर्माले बताए ।
संक्रमण पुष्टि हुनेमा ३३ जना पुरुष र १८ जना महिला रहेको कार्यालयका कोभिड फोकल पर्सन विश्वकर्माले बताए । सोताङका २१, नेचासल्यानका १०, माप्य दुधकोशीका ८, महाकुलुङका ७, खुम्बु पासाङल्हामु ४ र सोलु दुधकुण्ड नगरपालिकाका १ जना छन् ।
योसँगै जिल्लामा कोरोना संक्रमितको सख्या ३ सय १७ जना पुगेका छन् । जिल्लामा कोरोनाका कारण एक जना पुरुष संक्रमितको ज्यान गएको छ भने ८ जनाले कोरोना जितेका छन् ।
