चीनले नेपालको विपद् राहतमा बलियो सहयोग जारी राख्नेछ र विपद् रोकथाम तथा न्यूनीकरणमा सहकार्यलाई अझ गहिरो बनाउनेछः परराष्ट्र मन्त्रालय

काठमाडैं । चीनका परराष्ट्र मन्त्रालयका प्रवक्ता गुओ जियाकुनले बुधबार भने कि चीन र नेपाल दुवैका विज्ञहरूको मूल्यांकनअनुसार यो विपद् जलवायु तापक्रम वृद्धिको दीर्घकालीन प्रभावका कारण हिमनदी अस्थिर भएर उत्पन्न भएको हो। नेपालमा रहेको एक हिमनदीमा बरफ(चट्टानको पहिरो गएर तीव्र गतिमा तलतिर खस्यो र पहाडको छेउछाउलाई खोस्र्याउँदै विपद् निम्त्यायो भनी उनले बताए। उनले यो जवाफ चीन(नेपाल सीमा नजिक सिजाङमा हालै भएको हिमनदी भत्किएको घटनालाई मध्यनजर गर्दै हिमालय क्षेत्रमा हिमनदी पग्लने सङ्कटलाई चीनले कसरी हेर्छ र छिमेकी मुलुकहरूसँग “हिमालय काउन्सिल” गठन गर्ने प्रस्तावप्रति चीनको प्रतिक्रिया के छ भन्ने प्रश्नको जवाफ  दिएका हुन्।
चीन र नेपालबीच मौसम विज्ञान, जलस्रोत, विपद् रोकथाम र न्यूनीकरणका क्षेत्रमा लामो समयदेखि सुमधुर सहकार्य रहँदै आएको छ भनी गुओले भने। विपद्पछि चीनले नेपाललाई विपद् प्रभावित क्षेत्रको तस्बिर, उपग्रह र जलविज्ञानसम्बन्धी तथ्याङ्क तथा माथिल्लो भागमा बनेको बाँधतालको पूर्वचेतावनीसम्बन्धी महत्त्वपूर्ण जानकारी उपलब्ध गराएको थियो। चीनले नेपालको विपद् राहत प्रयासमा निरन्तर बलियो सहयोग गर्ने र विपद् रोकथाम तथा न्यूनीकरणमा सहकार्यलाई अझ सुदृढ बनाउने उनले बताए।
गुओले भने  जलवायु परिवर्तन सम्पूर्ण मानव जातिका लागि साझा चुनौती हो र कुनै पनि देश यसबाट अछुतो रहन सक्दैन। चीनले अन्तर्राष्ट्रिय समुदायसँग मिलेर आदानप्रदान र सहकार्यलाई अझ मजबुत बनाउँदै जलवायु परिवर्तनका नकारात्मक प्रभावहरूलाई प्रभावकारी रूपमा रोक्न र न्यूनीकरण गर्न निरन्तर काम गर्नेछ। तपाईंले उल्लेख गर्नुभएको विशिष्ट प्रस्तावका सम्बन्धमा भने सम्बन्धित सक्षम निकायलाई प्रश्न राख्नुहोस् भनी उनले जवाफ दिए।