आसियान बैठकमा ताइवान र दक्षिण चीन सागर मुद्दामा जापानको प्रश्नमा चीनको कडा प्रतिवाद

काठमाडौं । चीनको प्रतिनिधिमण्डलले म्यानिलामा आयोजित आसियान सम्बन्धित विदेश मन्त्रीस्तरीय बैठकहरूमा जापानको ताइवान प्रश्न, दक्षिण चीन सागर र सो(कल्ड चीन खतराू कथनका बारेमा गरेको टिप्पणीको कडा प्रतिवाद गरेको छ। यस क्रममा ताइवान प्रश्न चीनको आन्तरिक मामला भएको जोड दिँदै बाह्य शक्तिहरूलाई क्षेत्रमा तनाव बढाउने कार्य रोक्न आग्रह गरेको छ।
म्यानिलामा आयोजित पूर्वी एसिया शिखर सम्मेलन विदेश मन्त्रीस्तरीय बैठक र आसियान क्षेत्रीय फोरम विदेश मन्त्रीस्तरीय बैठकका क्रममा फिलिपिन्स र जापानले ताइवान प्रश्न, दक्षिण चीन सागर तथा सो(कल्ड  चीन खतराू लगायतका विषयलाई बारम्बार उचाल्ने प्रयास गरेका थिए। चीनको प्रतिनिधिमण्डलले जापानको यस्ता टिप्पणीको दृढतापूर्वक खण्डन र खारेज गरेको छ, जसको बारेमा चिनियाँ पक्षले शुक्रबार आयोजित पत्रकार सम्मेलनमा जानकारी दिएको हो ।
ताइवान प्रश्नको सन्दर्भमा
चिनियाँ पक्षले ताइवान प्रश्न चीनको आन्तरिक मामला भएको स्पष्ट पारेको छ। चीनले कुनै पनि नाम वा कुनै पनि रूपमा  ताइवान स्वतन्त्रताू अलगाववादी शक्तिहरूलाई ताइवान टापुलाई चीनबाट अलग गर्न दिँदैन। अन्तर्राष्ट्रिय समुदायले  ताइवान स्वतन्त्रता अलगाववादी गतिविधिको विरोध जति स्पष्ट र एक चीन नीतिप्रतिको प्रतिबद्धता जति दृढ हुन्छ, ताइवान जलडमरु क्षेत्रको शान्ति र स्थिरता त्यति राम्रोसँग संरक्षण हुन्छ।
दक्षिण चीन सागर मुद्दाको सन्दर्भमा
चिनियाँ प्रतिनिधिमण्डलले दक्षिण चीन सागर विश्वको सबैभन्दा व्यस्त, सुरक्षित र स्वतन्त्र जलमार्गमध्ये एक भएको बताएको छ। यसले वर्षमा विश्वको करिब ३० प्रतिशत कन्टेनर ढुवानी, ३४ प्रतिशत तरल प्राकृतिक ग्यास ढुवानी र ४० प्रतिशत कच्चा तेल ढुवानी गर्दछ। यस क्षेत्रमा वार्षिक रूपमा करिब दश लाख नागरिक विमान उडानहरू पनि सञ्चालन हुन्छन् र कुनै पनि जहाज वा विमानलाई कहिल्यै बाधा वा अवरोध गरिएको छैन।
चिनियाँ पक्षले भनेको छ कि केही देशहरूले हजारौं माइल टाढाबाट युद्धपोत र विमान पठाएर घटना सिर्जना गर्ने र ध्यान आकर्षित गर्ने प्रयास गरिरहेका छन्।
चीनले प्रत्यक्ष सरोकारवालाहरूसँग मित्रवत् द्विपक्षीय परामर्शबाट सम्बन्धित विवादहरूलाई उचित रूपमा समाधान गर्न तयार छ। यसका साथै आसियान देशहरूसँग मिलेर दक्षिण चीन सागरमा पक्षहरूको आचरणसम्बन्धी घोषणापत्र ९म्इऋ० लाई पूर्ण र प्रभावकारी रूपमा कार्यान्वयन गर्न र दक्षिण चीन सागरमा आचार संहिता  लाई चाँडै निष्कर्षमा पुर्‍याउन प्रयास गर्नेछ, जसले क्षेत्रीय शान्ति र स्थिरतालाई संयुक्त रूपमा संरक्षण गर्न मद्दत गर्नेछ।
बाह्य शक्तिहरूले जति कम कलह र तनाव बढाउने प्रयास गर्छन्, क्षेत्रीय देशहरूले शान्ति र स्थिरता कायम राख्ने आत्मविश्वास र क्षमता त्यति नै बढी हुन्छ, चिनियाँ पक्षले भनेको छ।