पोखरा, ३ जेठ । कास्कीको रुपा गाउँपालिकामा नेकपा ९एमाले०का नवराज ओझा चार हजार २१२ मत ल्याई विजयी हुनुभएको छ ।
उहाँका निकटतम प्रतिद्वन्द्वी नेपाली काँग्रेसका प्रकाशमोहन खनालले तीन हजार २७५ मत ल्याउनुभएको थियो । गाउँपालिकाको उपाध्यक्षमा एमालेकी लाल सुब्वा गुरुङ तीनहजार ९९५ मत ल्याई विजयी हुनुभएको छ । उहाँका निकटतम प्रतिद्वन्द्वी नेपाली काँग्रेसकी जी माया गुरुङले तीन हजार ४५६ मत ल्याउनुभएको छ ।
सो गाउँपालिकाको वडा नं ३, ४, ५ र ६ मा पूरै प्यानलसहित नेकपा ९एमाले०का वडाध्यक्ष क्रमशः रामजी अधिकारी, मुकुन्द वंशी, टेकबहादुर गुरुङ र नारायण गुरुङ विजयी हुनुभएको छ ।
त्यस्तै, वडा नं १, २ र ७ मा नेपाली काँग्रेसका पूरै प्यानलसहित वडाध्यक्षहरु दीपक आलेमगर, हरिकृष्ण ओझा र दयासागर सुवेदी विजयी हुनुभएको छ ।
सात वडा भएको सो गाउँपालिकामा ११ हजार ३१५ मतदाता भएकोमा आठ हजार २६४ मत खसेको थियो ।
