पुरानो बुलेटबाट अनुपको आशा

196 Shares

काठमाडौं । आजभोली घरबाट नायक अनुपविक्रम शाही सवेरै निस्कन्छन् । उनलाई अहिले कसैले फोन गरे प्रायः उनको मोवाइल अफ भएको जानकारी आउँछ । कारण डविङमा तनमन लगाएर काम गर्नु परेकाले आफूले मोवाइल अफ गरेको उनले बताए ।

फिल्ममा नेगेटीभ रोलमा देखिने गरेका अनुपविक्रम शाहीलाई अब भने दर्शकले यस पटक नायकको रुपमा देख्नेछन् । चलचित्र पुरानो बुलेटबाट उनी नायकको रुपमा देखिन लागेका हुन् । त्यसैले पनि उनी यस चलचित्रमा निकै मेहनत गरिरहेका छन् ।
उनले पुरानो बुलेटमा आफूलाई निकै खारेका छन् । उनले दुरुस्तै अभिनय गरेका छन् निर्देशक भीषण राईले भने, ‘अनुपलाई बुझाउन धेरै समय लाग्दैन उनि तुरन्त टिप्न सक्छन् ।’ फिल्म पुरानो बुलेटको डवीङमा भेटिएका उनी आफ्नो चलचित्र पुरानो बुलेटका लागि निकै आशावादी रहेको बताए । भन्छन्, ‘मैले आफ्नो महत्वपूर्ण समय यस चलचित्रलाई छुट्याएको छु ।’ चलचित्रमा अनुप विक्रमसँगै वर्षा शिवाकोटी, माला लिम्वु, कृष्णभक्त महर्जन, कविता आले, शिव मुखिया, वारत लिम्वु, शिरोमणी दवाढी, बादल श्रेष्ठ, करण धिताल, लक्षणा राई, मातृका पौडेल, सन्तोष राई, हिमाल राई, गोपाल काफ्ले, हिमाल राई, प्रदिप फुयाँल, शम्भु गहतराज लगायतको अभिनय रहेको छ ।

फिल्ममा कथा निर्देशक भीषण राई र सन्तोष राईको संयुक्त रहेको छ । भीषण राईको निर्देशन रहेको फिल्म क्रेजी इनटरटेन्टमेन्ट प्रालिको ब्यानरमा निर्माता अशोककुमार राई, टिकाराम राई, विरेन सांवा र दिपेन लिम्वु रहेका छन् । यसको कार्यकारी निर्मातामा सन्तोष राई छन् । यसलाई हरी घले लामाले खिचेका हुन । फिल्ममा उत्तमजंग लिम्वु र जयन जे वाईवाको संगित रहेको छ । प्रशान्त तामाङ र प्रवीण सिंहको कोरियोग्राफी रहेको छ, भने अर्जुन जिसीको सम्पादन रहेको छ । फिल्म चैत्र १ गते अल नेपाल रिलिज हुनेछ ।

तपाईको प्रतिक्रिया

सम्बन्धित समाचार